Na #BiblioGalán comezamos un proxecto co cal queremos que as familias, profesorado así como o resto de comunidade educativa sexan as verdadeiras e os verdadeiros protagonistas.
En Galicia temos unha enorme tradición de contos narrados ao carón da lareira nas frías noites de inverno. Pois ese espírito é o que queremos manter na nosa biblioteca e para iso, dende este curso, presentamos o proxecto Contos na lareira, co cal invitamos a calquera persoa da nosam comunidade educativa a vir a ter a palabra na nosa lareira da escola, a biblioteca escolar.
Para poder participar no proxecto, tan só hai que cubrir o seguinte formulario. Este equipo poñeráse en contacto con vós para buscar un día, hora, etc. É importante que leades con moita atención as bases do proxecto, especialmente nestes momentos nos que seguimos pendentes da evolución da crise sanitaria provocada pola Covid - 19.
Estaremos encantadas e encantados de recibirvos na nosa lareira e de escoitar os contos que tedes preparados para todas e todos nós. Agardámosvos!
Ligazóns de interese:
- Ligazón das bases do proxecto Contos na lareira.
- Formulario de inscripción de Contos na lareira.
Equipo da Biblioteca Escolar do CEIP de Galán.