Encontrámonos con Alba Cid no club de lectura

Alba Cid, premio nacional de poesía xoven, visitou o noso club de lectura para profesorado da bibliogalán, EEI de Barrionovo e EEI de Vilarrodís - Oseiro para compartir con todas nós o proceso de creación do seu libro Atlas, a nosa lectura para este trimestre. Con ela, inauguramos os encontros con autoras e autores no club de lectura, unha experiencia que sen dúbida, resultou marabillosa.

Queres formar parte do noso club de lectura para alumnado? Apuntate aquí!

Xa temos aquí o formulario en rede para inscribirnos no club de lectura para alumnado da bibliogalán. Así que se estás estudando en sexto de Educación Primaria e gozas da lectura e de pasar un tempo agradable coas túas compañeiras e os teus compañeiros este club é para ti.

Inscríbete premendo aquí.

Pasamos o Samaín coas escolas infantís

E pasou o Samaín pola bibliogalán coa visita das nosas amigas e dos nosos amigos da EEI de Barrionovo e da EEI de Vilarrodís - Oseiro. O alumnado voluntario preparou un paseo moi especial pola nosa exposición de cabazas, uns contacontos de moito medo e uns obradoiros de pulseiras, de pintado de caras, con lotos sensoriais, un espazo para levar a cabo construcións con materiais de outono e como non, preparamos e decoramos as nosas propias cabazas para a exposición da escola.

Queres formar parte do equipo de voluntariado da bibliogalán? Estamos esperándote!

Queres formar parte do equipo da bibliogalán como alumnado voluntario? Estamos seguras e seguros que a túa axuda vai ser moi importante. Se eres de quinto e de sexto de Educación Primaria, deixa o teu nome e curso neste formulario xa que nos próximos días faremos a selección. Esperámoste!

Preme aquí para apuntarte!

Abrimos ó noso club de lectura de profesorado

Desde hoxe e ata o próximo 30 de setembro quedan abertas as inscricións para participar no Club de lectura para profesorado. Igual que o curso anterior, este ano estará formado por profesorado do CEIP de Galán, EEI de Barrionovo e EEI de Vilarrodís-Oseiro xunto coa colaboración da biblioteca municipal de Arteixo.

Levaremos acabo a lectura de tres libros (un por trimestre) cunha reunión final no mediodía dos luns. Este curso, ademais das lecturas de interese social,  apostaremos pola nosa literatura e a nosa lingua e entraremos de cheo na lectura de libros de poesía ou teatro, lecturas que estamos seguras e seguros permitirán ter unha boa e agradable conversa. 

Se eres mestra ou mestre dun destes centros, esperámosvos!

Preme aquí para anotarte no club!