Dende #BiblioGalán apostamos polo fomento da lectura, pola convivencia de toda a comunidade educativa así como pola conciencia social e cidadá. Para isto, levamos a cabo a formación dun club de lectura entre as mestras e mestres da nosa escola.
Os clubs de lectura, están formados por persoas que len, a soas e a un tempo, a mesma obra literaria. A nosa biblioteca, en colaboración ca Biblioteca Central Henrique Rabuñal de Arteixo, prestará un exemplar a cada membro do club e celebraremos, neste caso, unha reunión para comentar e valorar todas as impresións da nosa lectura.
A inscrición ao club de lectura está aberta para todas as mestras e todos os mestres do CEIP de Galán a través do seguinte formulario en rede. Contamos cun total de 20 prazas, as cales seleccionaránse por orde estrito de inscrición ata o próximo mércores, 16 de marzo.
Próximamente publicaremos a obra seleccionada para a primeira lectura do club. Un título escollido entre case 700 exemplares e que está marcada por un forte compromiso social e vinculada ao desenvolvemento dos obxectivos sostibles marcados na Axenda 2030.