Co gallo do Día das Letras Galegas e coa colaboración do alumnado voluntario de quinto e sexto de Educación Primaria, organizamos na BiblioGalán o I Recital de Poesía.
Durante toda a semana, recibimos na nosa BiblioGalán a un gran número de alumnas e alumnos de todas as etapas e niveis educativos, que coa súa entrada solicitada previamente asistiron a un recital do máis variado de poesías, rimas, xogos de palabras tradicionais, trabalinguas, adiviñas, etc.
Gozamos moito e estamos seguras e seguros que será o primeiro de moitos!
