Recomendacións lectoras para un verán cheo de aventuras

Chegan as vacacións… e con elas, unha oportunidade perfecta para gozar da lectura sen présas! Desde a microrrede de bibliotecas escolares As Mariñas, formada pola EEI de Barrionovo, o CEIP de Galán, o CEIP Sofía Casanova e o CRA de Culleredo, preparamos unha selección de recomendacións lectoras para este verán, pensadas para todas as idades e gustos.

Historias emocionantes, divertidas, sorprendentes… para seguir descubrindo o mundo a través dos libros tamén durante as vacacións.

Podedes consultar xa a guía completa no noso blog e nos espazos da biblioteca.

Boas lecturas… e feliz verán!

Recomendacións lectoras para as festas de inverno 2024

As festas de inverno son o momento perfecto para facer unha pausa, coller un bo libro e deixarse levar polas historias. Desde a bibliogalán, propoñémosvos unha selección de lecturas coidadosamente elixidas para que todas e todos podades atopar o libro ideal. Esta guía, composta por títulos en lingua galega que destacan por:

• Contar con autoras, autores, ilustradoras, ilustradores e editoriais galegas, un compromiso coa nosa cultura e creatividade local.
• Ofrecer propostas para todas as idades: prelecturas para as máis pequenas e pequenos, primeiras lecturas, lecturas autónomas, expertas, en familia e tamén para persoas adultas.
• Promover valores como a igualdade, o respecto e a solidariedade a través de obras de compromiso social.

Consulta a guía completa premendo aquí. (en alta calidade)

Invitámosvos a mergullarvos no mundo das historias porque non hai mellor compañeira para estas festas que unha boa lectura. Vémonos no 2025. Saúde!

Recomendacións lectoras para o estío

Remata o curso escolar e con este remate, chega o momento do estío e do descanso. Desde a bibliogalán queremos recomendarvos libros para que gocedes do voso tempo de lecer con lecturas en galego, comprometidas, variadas e por suposto, de calidade. 

*Descarga aquí a nosa guía de lectura

Non perdas a nosa guía de lectura para as festas de inverno 2023

É o momento de descansar e por suposto, de dedicar tempo para ler, para estar en familia, amizades, etc. É sen dúbida, un libro é un acompañante perfecto. Por iso, aquí temes unha selección de lecturas, todas novidade, que foron un éxito nos empréstitos da bibliogalán durante estes meses ou que son de interese debido a súa temática social, científica, emocional, etc. dentro do eido da Axenda 2030.

preme aquí para consultar a guía con maior calidade.

Boas festas a todas e todos!

Que vas ler este estío? Bota unha ollada ás nosas propostas!

É momento de descansar, relaxarse, de pasar tempo coa familia e amizades e como non, gozar cunha boa lectura na praia, no campo ou na piscina. E para que non perdas moito tempo escollendo as lecturas que van acompañarte, aquí temos unha pequena selección de libros publicados ao longo deste ano de temática moi variada dende a narrativa, poesía, información e divulgación, banda deseñada, ilustración e todos cun importante contido feminista, sostible, integrador, con atención á diversidade afectivo - sexual e apostando pola lingua galega maioritariamente.

Podedes descargar a guía de lectura completa, premendo aquí.

Recomendacións de lecturas para as festas de inverno 2022 - 23

É momento de descansar e por suposto, de dedicar tempo para ler, para estar en familia, amizades, etc. É sen dúbida, un libro é un acompañante perfecto. Por iso, aquí tedes unha selección de lecturas, todas novidade, que foron un éxito nos empréstitos da nosa BiblioGalán ou que son de interese debido a súa temática social, científica, emocional, etc. dentro do eido da Axenda 2030.

Consulta aquí as recomendacións lectoras para as festas de inverno 2022 - 23 da BiblioGalán

Boas festas e vémonos á volta!

Lecturas recomendadas para as festas

Chega o momento de descansar, de pasar uns días en familia, de sentir moitas emocións e de continuar con distintas tradicións. E falando de tradicións, unhas festas máis, aquí está a guía de lectura. A guía de lectura é unha ferramenta ideal para agasallar literatura estas vacacións así como para dedicar un tempo á lectura en familia.

Os libros seleccionados para a nosa guía, clasificada segundo o criterio da biblioteca, é o resultado dos libros máis prestados durante este trimestre na nosa #BiblioGalán, de novidades de autoras e autores de éxito e de libros que desenvolven e promocionan os obxectivos da axenda 2030 como un desenvolvemento sostible, unha igualdade de xénero, un bo coñecemento emocional, en definitiva, un ensino de calidade, cun porcentaxe elevado de autoras, autores e títulos en lingua galega.

Consulta e descarga a nosa guía de lectura aquí ou premendo na imaxe.