O mércores conmemoramos na bibliogalán o 25N, o Día Internacional da Eliminación da Violencia contra a Muller.
Todos os alumnos e alumnas da escola puxeron a vacina contra a violencia e prepararon lemas contra a violencia de xénero.
Ademais, preparamos unha colección de libros tanto nos corredores como en Koha, que podes ver premendo aquí.
No eido do 25N para a eliminación da violencia contra as mulleres, celebramos a sesión do club de lectura para profesorado na bibliogalán coa novidade da participación do profesorado da EEI de Barrionovo e a EEI de Vilarrodís - Oseiro, os nosos centros adscritos e a colaboración da biblioteca municipal de Arteixo.
Cunha comida e unha sobremesa de faladoiro e café, levamos a cabo unha serie de dinámicas de coñemento, distensión e outras que nos levaron de cheo a unha análise profunda do libro, especialmente, clasificando os tipos de violencia que apareceron ao longo da lectura. Sen dúbida, unha dinámica que nos levou a reflexionar e analizar de xeito tranquilo sobre aspectos que en moitas ocasións, por nós mesmas e mesmos non reparamos.
Formas de estar lejos de Edurne Portela é unha lectura na que a súa protagonista vive unha relación moi complexa marcada por continuas e variadas situacións violentas nas que en moitas ocasións, todas e todo nós podemos recoñecernos. Sen dúbida, unha lectura moi recomendable.
Ata a próxima xuntanza!
Na entrada da escola contamos cun expositor de libros que ensalzan e empoderan a figura da muller así como poñen de manifesto a violencia contra elas, para que todo o alumnado, mestras, mestres e resto de comunidade educativa puidese consultar, levar en préstamos, ler nas súas aula, etc.
As mestras de terceiro de EP levaron a cabo unha lectura na nosa BE do conto O país dos mandóns, unha lectura que permitiu crear un espazo de debate, concienciación e didáctica da problemática.
O equipo da BE do CEIP de Galán
