Un ano máis, as Mochilas Viaxeiras da bibliogalán visitarán as vosas casas durante uns días.
Este curso, as mochilas van cargadas de cómics, divulgación, ciencia ou arte.
Esperamos que leades en familia e que desfrutedes moito da selección que preparamos.
Un ano máis, na bibliogalán poñemos en marcha as Mochilas Viaxeiras, unha iniciativa que permite que os libros saian da escola para acompañar ás familias durante unha semana.
Este curso, as mochilas están cargadas de libros de divulgación, cociña, experimentos e ciencia e creatividade en familia, para que grandes e pequenas e pequenos poidan compartir momentos de lectura, aprendizaxe e descubrimentos.
A lectura en familia fortalece lazos, esperta curiosidade e convida a experimentar xuntas e xuntos. Estamos seguras e seguros de que estas mochilas traerán moitas ideas e momentos inesquecibles a cada casa!
Esta semana, coincindo ca semana onde se celebra o Día das Bibliotecas, a BIBLIOGALÁN comeza a recuperar toda a súa actividade. E que sería da nosa biblioteca sen as mochilas viaxeiras? Pois dende xa, as nenas e nenos de Educación Infantil, primeiro, segundo e terceiro de Educación Primaria comezarán a gozar en familia de libros en cociña, experimentos, banda deseñada, novidades de ficción, divulgación, libros de compromiso social e Axenda 2030 cunha aposta clara pola lingua galega.
Un pedazo dese tesouro tan prezado como é a biblioteca da escola, estará con cada un e cada unha de vós unha semana. Eso si, temos que ter unha misión moi importante. Ser moi responsables con ela e tratar todo os seus libros con moito agarimo e coidado.
Ademais, as mochilas conteñen un caderno viaxeiro, ideal para facer algún debuxo sobre os libros, compartir algunha fotografía gozando da mochila, escribir as vosas opinións, etc. Sen dúbida, será un bonito recordo creado entre todas e todos para a nosa biblioteca.
Así que, este 24 de outubro todas as nenas e nenos da escola tiveron ocasión de visitar o noso espazo posto que como principal novidade, este curso recuperamos os recreos na biblio, un proxecto que ten como obxectivo, proporcionar espazos activos de lectura e de recursos de creación de contido, especialmente co ollo posto nas competencias STEAM. Para iso, cada día, en cada recreo, contaremos con distintos recantos e obradoiros temáticos que estamos seguras e seguros, farán gozar a todas e todos nós. Esta semana, o centro de actividade proposto foron distintas tarefas relacionadas co mundo de Samaín.
Para o bo desenvolvemento e funcionamento deste proxecto, contamos ca figura do alumnado voluntario, nenas e nenos de quinto e sexto de Educación Primaria que levan a cabo tarefas de control, dinamización, orde, etc. da nosa biblioteca. Unha axuda extraordinaria.
Pero a biblioteca non só está aberta durante os recreos, tamén recuperamos a súa actividade de tarde que próximamente virá acompañada dun novo proxecto para a nosa escola como é o préstamo en familia.
Durante a xornada lectiva, todas as titorías teñen un horario reservado para poder asistir e desenvolver na biblioteca todas as actividades que se propoñan ademáis, de levar a cabo o préstamo de fondos do noso catalogo.
E falando de préstamos, as Mochilas Viaxeiras comezan a viaxar esta semana a todas as casas das nenas e dos nenos de Educación Infantil e primeiro ciclo de Educación Primaria. Esperamos que gocedes moito delas en familia.
BiblioGalán tamén está aberta para toda a nosa comunidade educativa, polo que, dentro do proxecto de Contos na lareira, todas as familias, etc. poderedes vir a contarnos as historias que desexedes. Estamos desexando escoitarvos.
E para rematar, este ano estreamos os Clubes de lectura para alumnado. Nesta ocasión, nenas e nenos de sexto de Educación Primaria conforman dous clubes nos que compartiran as súas vivencias durante a lectura de ditos libros. Seguiremos todas as súas actividades neste blog. Pero non só as rapazas e rapaces de sexto teñen clubes de lectura, as mestras e mestres tamén continuamos co noso propio club, que xa está en marcha e do que tamén, moi pronto contaremos cousiñas.
O 24 de outubro celébrase o Día das Bibliotecas, unha conmemoración que non queríamos deixar de festexar na #BiblioGalán dun xeito especial. Comezamos co proxecto de Libros que van e veñen: Mochilas viaxeiras e o máis importante, abrimos o noso espazo para todas as titorías da escola. Dende esta semana, todas as nenas e nenos do CEIP de Galán poden gozar dos fondos documentais e literarios que temos na nosa BE, poden vir a traballar nos seus proxectos de aula, aproveitar para ler historias marabillosas e como non, facer os préstamos dos que tantas ganas tiñamos, así que, todo o noso alumnado pode levar á súa casa un pedaciño dos tesouros que aquí temos.
Outra actividade que estamos levando a cabo para conmemorar o Día das Bibliotecas é converter o noso espazo nun verdadeiro conto. Nesta ocasión, titorías como as de primeiro de EP (ao longo da semana iránse sumando o resto) leron o conto de Unha eiruga moi larpeira de Eric Carle á vez que convertemos a nosa BE e a súa entrada no auténtico conto ca axuda de realidade aumentada. Grazas a ela, puidemos pasear polo campo da eiruga, vela de moi cerca e incluso xogar cas froitas que tanto a fixeron engordar. Gozamos moito de poder vivir unha auténtica biblioteca de conto.
O equipo da BE do CEIP de Galán
Tal e como comentábamos na publicación anterior, este curso a nosa BE estará viva e dinámica, ofrecendo a todas as nosas nenas e a todos os nosos nenos, proxectos e actividades que promovan a lectura e poñan en práctica o desenvolvemento de actitudes e competencias de diversa índole.
Para isto, todo o equipo fixemos moito esforzo para poñer en marcha este proxecto que estamos seguras e seguros que vaivos encantar: #BiblioGalán estrea as súas Mochilas viaxeiras.
O proxecto de Libros que van e veñen: Mochilas viaxeiras é unha proposta para fomentar a lectura que consiste en levar unha semana á casa un pedaciño da nosa BE. Unha mochila chea de aventuras, emocións, música, palabras, poesía e investigación e que é ideal para gozar en familia. O proxecto irá introducíndose na escola de xeito progresivo, este curso comezando pola etapa completa de Educación Infantil e o primeiro nivel de Educación Primaria.
A selección de fondos para cada mochila está adaptada as características, preferencias, ritmos e estilos de aprendizaxe do alumnado partindo dun eixe común: libros para gozar en familia como son experimentos, cociña, etc. Libros para desenvolver no alumnado unha boa conciencia social, sen perder a ollada aos obxectivos marcados pola Axenda 2030 e como non, unha importante selección de libros en lingua galega para poesía, investigación ou música. Ademais, quixemos incluir libros que, seguindo o tema central das Bescolaresgal para este curso, dean voz as palabras das nosas BE.
- Consulta os fondos das Mochilas viaxeiras premendo aquí.
Cada mochila leva un Caderno viaxeiro, ca finalidade de facer algún debuxo sobre os libros, compartir algunha fotografía gozando da mochila, escribir as vosas opinións, etc. Un caderno en branco onde queremos que deixedes voar a vosa imaxinación e entre todas e entre todos, facer un recordo que formará parte da nosa BE.
Recordade, e estamos seguras e seguros que así será, de ser moi responsables con todos os fondos das mochilas, xa que son un tesouro que entre todas e todos temos tratar con moito coidado e agarimo.
Esperamos que gocedes moito delas,
O equipo da BE do CEIP de Galán.
